اسلام آباد (نیوز ڈیسک)غیر ملکی فنڈنگ پاکستان سے نہیں کسی تیسرے ملک سے کی گئی۔ ان خیالات کا اظہار وفاقی وزیر داخلہ چوہدری نثار علی خان نے میڈیا سے گفتگو کرتے ہوئے کیا۔ انہوں نے کہا کہ آئندہ چند روز میں تمام وزرائے اعلیٰ کو اسلام آباد بلایا جائیگا،کراچی کے عوام مبارکباد کے مستحق ہیں،برطانوی حکومت کو عوام کو بھڑکانے ‘پاکستان کیخلاف نعرے بازی اور میڈیا ہاؤسز پر حملے کی فوٹیج بھیج رہے ہیں۔انہوں نے کہا کہ میڈیا ہاؤسز کی سکیورٹی مزید موثر بنائی جائے گی۔ایم کیو ایم کے قائد سے متعلق سوال کے جواب میں انہوں نے کہا کہ وہ غیر ملکی شہری ہے اورانکے خلاف برطانیہ کی حکومت کو ریفرنس بھیج رہے ہیں۔وزیر داخلہ نے کہا کہ غیر ملکی فنڈنگ پاکستان سے نہیں کسی تیسرے ملک سے کی گئی۔سمجھ نہیں آتی کہ متحدہ کے قائد نے تقریر کیلئے یہی دن کیوں منتخب کیا؟آئندہ چند روز میں تمام وزرائے اعلیٰ کو اسلام آباد بلایا جائیگااور سکیورٹی کی صورتحال پر بھی تبادلہ خیال کیا جائیگا۔انہوں نے مزید کہا کہ کسی ایک شخص کی فون کال پر کراچی کو یرغمال بنانے نہیں دیا جائے گا۔ ملکی سالمیت پر کسی صورت آنچ نہیں آنے دی جائیگی۔کراچی میں امن ہر صورت برقرار رکھاجائیگا۔کراچی کے ایک دن بند ہونے پر 5ارب کا نقصان ہوتا ہے۔