اسلام آباد(مانیٹرنگ ڈیسک)پاکستان مسلم لیگ(ن) کے سابق ایم این اے اور مرکزی رہنما حنیف عباسی کا تھانے پر حملہ ۔ (ن) لیگ کی اعلیٰ قیادت بھی ناراض ہو گئی۔ تفصیل کے مطابق تھانے پر حملے کو 10 روز گزر جانے کے بعد اب تک پولیس حنیف عباسی کیخلاف مقدمہ درج نہیں کر سکی۔
نجی ٹی وی رپورٹ کے مطابق نیو ٹاؤن تھانے پر حملہ اور توڑ پھوڑ کرنے پر وزیر اعلیٰ پنجاب نے حنیف عباسی سے وضاحت طلب کر لی ہے اور انہیں وضاحت کرنے کی ہدایات جاری کر دی ہیں۔ وزیر اعلیٰ شہباز شریف کا کہنا ہے کہ حنیف عباسی فوری طور پر اپنی پوزیشن واضح کریں۔ واضح رہے کہ چند دن قبل (ن) لیگی رہنماء نے کارکنوں کے ہمراہ تھانے پر دھاوا بول دیاتھا اور توڑ پھوڑ کے ساتھ ساتھ پولیس اہلکاروں کو تشدد کا نشانہ بھی بنایا تھا۔ واقعے کی فوٹیج بھی سوشل میڈیا پر وائرل ہو گئی ہے۔