پیر‬‮ ، 20 اپریل‬‮ 2026 

پاکستان اور ملائیشیاء کی فوجی قیادت کا دونوں ممالک کی افواج کے درمیان دفاعی تعاون بڑھانے پر زور

datetime 17  اگست‬‮  2016 |

کوالا لمپور/ راولپنڈی (این این آئی )پاکستان اور ملائیشیاء کی فوجی قیادت نے دونوں ممالک کی افواج کے درمیان دفاعی تعاون بڑھانے پر زور دیا ہے ۔ آئی ایس پی آر کے مطابق جنرل راحیل شریف ملائیشیاء کے دو روز کے دورہ پر کوالا لمپور پہنچ گئے ۔ آرمی ہیڈ کوارٹر پہنچے پر ملائیشین فوج کے چاق و چوبند دستے نے آرمی چیف کو گارڈ آف آنر پیش کیا ۔ اس کے بعد آرمی چیف نے ملائیشیاء کے ڈیفنسز فورسز کے سربراہ جنرل تان سری داتوسری حاجی ذوالکفیلی بن محمد زن اور ملائیشیاء فوج کے سربراہ جنرل تان سری راجہ محمد آفندی بن راجہ محمد نور سے بھی ملاقات کی ۔ آئی ایس پی آر کے مطابق آرمی چیف کا تعارف اعلیٰ فوجی کمانڈروں سے کرایا گیا اور انہیں اپریشنل اور ملائیشین فوج کے تربیتی نظام کے بارے میں بریفنگ دی گئی ۔ ملائیشیا کے فوجی قیادت کے ساتھ ملاقات میں فوجیوں کے درمیان تعلقات مشترکہ فوجی تربیت اور دفاعی تعاون پر تبادلہ خیال کیا گیا ۔ ملائیشیا کے ڈیفنسز فورسز کے سربراہ جنرل تان سری داتوسری حاجی ذوالکفیلی بن محمد زن اور آرمی چیف نے دہشتگردی کیخلاف علاقائی امن اور سلامتی کیلئے جنگ میں پاکستانی کامیابیوں کو سراہا۔ جنرل راحیل شریف نے اس موقع پر کہا کہ علاقائی امن اور سلامتی کے علاوہ دہشتگردی کیخلاف بلاامتیاز کوششوں کے بارے میں ملائیشیاء اور پاکستان کے مفادات ایک ہیں ۔ بات چیت کے بعد پاکستان اور ملائیشیا کے افواج کے درمیان تعاون کے سلسلے میں ٹی او آر پر دستخط کئے گئے اس کے بعد آرمی چیف نے ملائیشیا کے وزیر دفاع داتو سری ہشام الدین تن حسین سے ملاقات کی ۔ ملاقات کے دوران ملائیشیاء کے وزیرنے پاکستان کے ساتھ دفاعی تعاون بڑھانے کی خواہش کا اظہار کیا ۔ انہوں نے کہا کہ یہ تعاون دونوں ممالک کیلئے اہم ہے کیونکہ اس بنیاد پر ایک دوسرے کے تجربات اور پیشہ ورانہ مہارت سے فائدہ حاصل کیا جا سکتا ہے ۔ انہوں نے اس عزم کا اظہار کیا کہ تعاون کا یہ جذبہ دونوں ممالک کے افواج کے درمیان موجودہ تعلق کو مزید تقویت دے گا ۔ انہوں نے کہا کہ یہ تعاون طویل المدتی شراکت داری کیلئے راہ ہموار کریگا۔

آج کی سب سے زیادہ پڑھی جانے والی خبریں


کالم



گریٹ گیم(دوسرا حصہ)


حضرت آدم علیہ السلام اورحضرت حواء علیہ السلام…

گریٹ گیم

یہ گیم ہابیل اور قابیل کی لڑائی سے شروع ہوئی تھی‘…

ایران کی سب سے بڑی کام یابی

وہ آرٹسٹ تھی اور اس کا نام مرینا ابراموویک (Marina…

لفظ اضافی ہوتے ہیں

نیویارک کے اطالوی ریستوران میں نوجوان لڑکی نے…

ایرانی لوگ کیسے ہیں(آخری حصہ)

ایران کا دوسرا کمال سیاحت ہے‘ میں 120 ملک گھوم…

ایرانی لوگ کیسے ہیں(پہلا حصہ)

جون 2025ء تک ایران میں پاکستان کا تاثر اچھا نہیں…

مشہد میں دو دن (آخری حصہ)

ہم اس کے بعد حرم امام رضاؒ کی طرف نکل گئے‘ حضرت…

مشہد میں دو دن

ایران کے سفر کی پہلی تحریک حسین باقری تھے‘ یہ…

ایران کیا تھا اور کیا ہو گیا

پیارے قارئین: ایران محض ایک ملک نہیں ہے یہ پہلی…

ایران کے لیے واحد آپشن

بوروڈینو (Borodino) ماسکو سے ایک سو تیس کلو میٹر دور…

ہیکل سلیمانی

اللہ تعالیٰ کا حضرت دائود ؑ پر خصوصی کرم تھا‘…