اسلام آباد (این این آئی)نیشنل ایکشن پلان پر عملدرآمد کے معاملے پر وزیراعظم نوازشریف نے تمام وزرائے اعلیٰ کو بلانے کا فیصلہ کرلیا ٗ وزیراعظم کی زیر صدارت آئندہ ہفتے اجلاس متوقع ہے۔گزشتہ روز وزیراعظم نوازشریف کی زیرصدارت اجلاس میں وزیرداخلہ نے نیشنل ایکشن پلان پر بریفنگ دی۔ذرائع کے مطابق وزیرداخلہ نے بریفنگ میں کہا کہ نیشنل ایکشن پلان کے 9 پوائنٹس ایسے ہیں ٗجو براہِ راست صوبوں کی ذمہ داری ہیں ٗ 9 پوائنٹس پر عملدرآمد وفاقی حکومت اور صوبوں کی مشترکہ ذمہ داری ہے،4 پوائنٹس وزارت داخلہ سے متعلق ہیں۔ذرائع کے مطابق وزرائے اعلیٰ کے ساتھ اجلاس میں وزیراعظم صوبوں سے نیشنل ایکشن پلان سے متعلق رپورٹ لیں گے اور ہدایات دیں گے۔ذرائع کے مطابق چوہدری نثار نے موقف اختیار کیا کہ جب تک وزیراعظم خود مانیٹر نہیں کریں گے نتائج نہیں آئیں گے ٗمشیر قومی سلامتی ناصر جنجوعہ نے کہا کہ نیشنل ایکشن پلان کو سستی روی سے نکالنے کیلئے وزیراعظم، آرمی چیف اور وزیرداخلہ کی توجہ اور مدد درکار ہوگی۔