نئی دہلی (مانیٹرنگ ڈیسک)بھارت کی ہندو انتہا پسند تنظیم شیو سینا پاکستانی ہائی کمشنر عبدالباسط کے کشمیر بارے بیان پر بھڑک اٹھی اور مودی سرکار سے پاکستانی ہائی کمشنر کو 24گھنٹوں کے اندر ملک بدر کرنے کا مطالبہ کردیا۔ بھارتی میڈیا کے مطابق انتہا پسند تنظیم شیو سینا کے رہنما سنجے راؤت نے نئی دہلی میں پاکستانی ہائی کمشنر کے کشمیر بارے بیان پر ردعمل ظاہر کرتے ہوئے کہاکہ نئی دہلی اور ممبئی میں پاکستانی ہائی کمیشن کے دفتر کو بند کردینا چاہیے جو شخص نئی دہلی میں بیٹھ کر بھارت کے خلاف زہر اگل رہا ہے اسے 24گھنٹوں کے اندر اسلام آباد واپس بھیج دیا جانا چاہیے ۔
عبدالباسط نے بھارت کے یوم آزادی سے ایک روز قبل ایسا بیان دیا ہے امید ہے کہ حکومت انکے خلاف کاروائی کرے گی ۔سنجے راؤت نے ہرزہ سرائی کرتے ہوئے کہاکہ سمجھ میں نہیں آتا پاکستان ایک قوم کے طور پر یوم آزاد کیوں منا رہا ہے ،پاکستان ایک قوم نہیں بلکہ دہشتگردوں کا گڑھ ہے ۔کانگریس نے بھی پاکستانی ہائی کمشنر عبدالباسط کے کشمیر بارے بیان پر ردعمل ظاہر کرتے ہوئے عبدالباسط سے معافی مانگنے کا مطالبہ کیا اور کہاکہ 56انچ چوڑے سینے والے نریندر مودی کی حکومت پاکستان سے نمٹنے میں ناکام رہی ہے ۔واضح رہے کہ بھارت میں تعینات پاکستانی ہائی کمشنر عبدالباسط نے نئی دہلی میں پاکستانی ہائی کمیشن میں یوم آزادی کی مناسبت سے منعقد کی گئی تقریب میں