اسلام آباد(مانیٹرنگ ڈیسک) نجی ٹی وی پروگرام میں سینئر تجزیہ نگار نے بڑی بات کہہ ڈالی۔ تفصیل کے مطابق نجی ٹی وی پروگرام میں گفتگو کرتے ہوئے سینئر تجزیہ نگار نے کہا کہ گورنمنٹ کبھی بھی جلسے نہیں کیا کرتی۔ اگر حکومت خود جلسے کرنے لگ جائے تو شہر کی ساری سیکورٹی ان کی طرف چلی جائے گی اور پورا شہر مجرموں کے حوالے ہو جائے گا۔ ابھی تو (ن) لیگ نے پشاور میں ہی جلسہ کیا ہے ۔ جس دن شہباز شریف پنجاب میں جلسہ کریں گے اس دن وہ پورا شہر ان کی سیکورٹی میں لگ جائے گا اور باقی لوگ مجرموں کے رحم و کرم پر ہوں گے۔ سینئر تجزیہ نگار اوریا مقبول جان نے گفتگو کرتے ہوئے کہاکہ پشاور میں جس بندے نے نواز شریف کو جلسے کا مشورہ دیا ہے وہی ان کا سب سے بڑا دشمن ہے۔