دبئی (آئی این پی) سابق صدر اور آل پاکستان مسلم کے چیئرمین پرویز مشرف نے کہا ہے کہ یہ بات درست نہیں کہ فوج حکومت چلا رہی ہے ، اچھی ہے یا بری مگر حکومت کو حکومت ہی چلا رہی ہے، ہماری تنظیم ملک بھر میں پھیل چکی ہے،دبئی میں کوئی سیاسی سرگرمیاں نہیں کیں صرف دوستوں سے ملاقاتیں کرتا ہوں ،۔ وہ بدھ کو دبئی میں پریس کانفرنس سے خطاب کر رہے تھے۔انہوں نے کہا کہ دبئی میں کوئی سیاسی سرگرمیاں نہیں کیں بلکہ دوستوں سے ملاقاتیں کرتا ہوں۔ہماری تنظیم ملک بھر میں پھیل چکی ہے۔ پرویز مشرف نے کہا کہ ہر ادارے کو اچھا کام کرنا چاہیے۔جب ادارے کام اچھا نہیں کرتے تو دوسرے پلئیر آجاتے ہیں۔ یہ بات درست نہیں کہ فوج حکومت چلا رہی ہے۔ اچھی ہے یا بری مگر حکومت کو حکومت ہی چلا رہی ہے۔ پرویز مشرف نے کہا کہ کراچی میں 70 فیصد ہلاکتیں سیاسی ہوتی ہیں اگر کراچی میں ایم کیو ایم ، پیپلز پارٹی ،اے این پی پر چیک رکھیں تو 60 فیصد ہلاکتیں بند ہوجائیں گی۔ سابق صدر نے کہا کہ کراچی میں ہونے والی فرقہ واریت کا بیس پنجاب ہے۔ وہاں کاروائی ہوگی تو کراچی میں فرقہ واریت کنٹرول میں آئے گی۔