اسلام آباد(مانیٹرنگ ڈیسک)لاہور ہائیکورٹ میں آرمی چیف جنرل راحیل شریف کی مدت ملازمت میں توسیع کے لیے درخواست دائر کردی گئی ہے،جس میں آرمی چیف کو ملک سے دہشتگردی ختم کرنے کے لئے مہلت دینے کا مطالبہ کیا گیا ہے ،ایڈووکیٹ علم الغازی کی طرف سے دائر کی گئی درخواست میں موقف اختیار کیا گیا ہے کہ موجودہ ملکی صورتحال سے پتا چلتا ہے کہ حکومت بالکل ناکام ہوچکی ہے،سیاستدانوں نے ملک کو دو لخت کیا جس سے مارشل لاء لگے جسکا ذمہ دار بعد میں آرمڈ فورسز کو ٹھہرایا گیا،درخواست میں کہا گیا کہ ملک میں امن کی صورتحال انتہائی خراب تھی تو آپریشن ضرب عضب شروع کیا گیا جس سے امن میں بہتری آئی لیکن مزید بہتری کی گنجائش موجود ہے ،لوگ آرمی چیف کو پسند کرتے ہیں اور آپریشن ضرب عضب ابھی جاری ہے لہذا اسے کامیاب بنانے کے لئے جنرل راحیل شریف کو مزید موقع دیا جائے