اسلام آباد (مانیٹرنگ ڈیسک) صدر پارکنگ پلازا کے قریب دہشتگردی کے واقعے میں شہید ہونیوالیاہلکاروں کیپوسٹ مارٹم کی ابتدائی رپورٹ تیار ہوگئی۔ فائرنگ سے شہید ہونے والے اہلکاروں کی آبائی علاقوں میں تدفین کردی گئی۔دونوں جوانوں کو مجموعی طور 7گولیاں لگیں،گولیاں بائیں جانب سے لگیں اور دائیں جانب سے پار ہوگئیں،شہید عبدالرزاق کو 4 جبکہ شہید خادم حسین کو3گولیاں لگیں۔ادھردو تھانوں میں حدود کے تنازع کے باعث کراچی کے علاقے صدر میں اہلکاروں پر فائرنگ کے واقعے کا مقدمہ تک درج نہ ہوسکا۔جس مقام پرفائرنگ کا آغازہوا وہ بریگیڈ تھانے کی حدود ہے، فائرنگ کے بعد گاڑی چلتی ہوئی چند گز بعد ہی صدر تھانے کی حدود میں داخل ہوگئی تھی۔ایس پی صدر سمیع اللہ کا کہنا ہے کہ واقعہ کامقدمہ سی ٹی ڈی تھانیمیں درج کیاجائے گا۔ ضابطے کی کارروائی صدر تھانے نے مکمل کی ہے۔ان کا کہنا تھا کہ واقعے کے مقام سیکوئی خول نہیں ملا، نائن ایم ایم پستول کیدوسکے ملے ہیں۔ذرائع کے مطابق علاقے کی جیو فینسنگ کرانیکا فیصلہ کرلیا گیا ہے۔