اسلام آباد( مانیٹرنگ ڈیسک) ڈائریکٹر جنرل آئی ایس پی آر لیفٹیننٹ جنرل عاصم سلیم باجوہ کیمطابق آرمی چیف جنرل راحیل شریف دو روزہ سرکاری دورے پر مصر پہنچ گئے جہاں انہیں آرمی ہیڈ کوارٹر میں گارڈ آف آنر پیش کیاگیا، جنرل راحیل شریف نے مصر کے افواج کے چیف آف سٹاف اور وزیر دفاع سے الگ الگ ملاقاتیں کیں اوران سے پاکستان اورمصر کی افواج کے درمیان دفاعی اور سکیورٹی شعبے میں تعاون بڑھانے پر اہم بات چیت کی۔دونوں ملکوں کے فوجی رہنماؤں نے دہشت گردی کے خاتمے کے لئے ہر ممکن کوششیں اور وسائل صرف کرنے کے عزم کا اعادہ کیا۔ مصر کے چیف آف سٹاف اوروزیر دفا ع نے پاکستان فوج کے دہشت گردی کیخلاف جنگ میں تجربات سے استفادہ کرنے میں گہری دلچسپی کااظہار کیا۔