بغداد(مانیٹرنگ ڈیسک )عراقی دارالحکومت بغداد میں خودکش بم دھماکے میں 11افراد ہلاک اور 20زخمی ہوگئے ۔غیر ملکی میڈیا کے مطابق عراقی سیکورٹی حکام کا کہنا ہے کہ خودکش بمبار نے بغداد کے شمال مغربی شیعہ اکثریتی ضلع کے داخلے کے مقام پر خود کو دھماکے سے اڑا دیا۔ پولیس اور طبی ذرائع کا کہنا ہے کہ اس واقعے میں11افراد ہلاک اور20 افراد زخمی بھی ہوئے ہیں۔
فی الحال کسی گروپ یا تنظیم نے اس حملے کی ذمہ داری قبول نہیں کی ہے، تاہم اس سے قبل بغداد میں اس طرز کے حملوں میں شدت پسند تنظیم اسلامک اسٹیٹ ملوث رہی ہے۔