لاہور (مانیٹرنگ ڈیسک ) وزیر اعلیٰ پنجاب محمد شہباز شریف چین کے دو روزہ سرکاری دورے پر روانہ ہو گئے۔ لاہور کے علامہ اقبال ائرپورٹ سے چین کے قونصل جنرل یوبورن نے وزیر اعلیٰ شہباز شریف کو رخصت کیا۔ اس موقعہ پر صوبائی کابینہ اور انتظامیہ کے ارکان بھی موجود تھے۔ وزیر اعلیٰ پنجاب اپنے دورے میں چین کے اعلیٰ حکام اور کیمونسٹ پارٹی آف چائنہ کے عہدیداران سے ملاقاتیں کریں گے جبکہ چین کے سرمایہ کاروں اورسرکردہ صنعت کاروں سے بھی ملیں گے جنہیں پنجاب میں متعدد ترقیاتی منصوبوں میں سرمایہ کاری بارے آگاہی دی جائے گی۔