دبئی(مانیٹرنگ ڈیسک)وفاقی وزیر خزانہ اسحاق ڈار آئی ایم ایف سے مذاکرات کیلئے دبئی پہنچ گئے، سابق صدر آصف علی زرداری سے ملاقات کی خبریں بھی گردش کرنے لگیں۔نجی ٹی وی کے مطابق ذرائع نے دعوی کیا ہے کہ دبئی میں قیام کے دوران اسحاق ڈار کی پیپلزپارٹی کے شریک چیئرمین آصف علی زرداری سے ملاقات متوقع ہے۔ دونوں رہنماؤں کے درمیان ملاقات کے لئے کوششیں جاری ہیں۔ دبئی میں متوقع ملاقات میں اہم ملکی سیاسی امور پر بات چیت ہو گی۔وزیر خزانہ اسحاق ڈار دبئی میں قیام کے دوران اپنے خاندان کے ساتھ بھی وقت گزاریں گے۔ آئی ایم ایف ٹیم سے ملاقات اور طویل عرصہ سے بیرون ملک مقیم سابق صدر آصف زرداری سے صف اول کی حکومتی شخصیت کی بیٹھک نے اسحاق ڈار کے دورہ دبئی کی اہمیت بڑھا دی ہے۔