اسلام آباد (آئی این پی) وزیراعظم نوازشریف کی صاحبزادی مریم نواز نے غیرت کے نام پر قتل کیخلاف چند دنوں میں قانون بننے کا عندیہ دیتے ہوئے کہا ہے کہ غیرت کے نام پر قتل کے خلاف چند ہفتوں میں قانون بنا لیں گے ، اس معاملے پر بات چیت کے بعد ڈرافٹ تیار کر لیا گیا ہے۔ بدھ کو غیر ملکی خبر ایجنسی کو انٹرویو میں انہوں نے کہا کہ غیر ت کے نام پر قتل کے خلاف چند ہفتوں میں قانون بنا لیں گے۔ اس معاملے پر بات چیت کے بعد ڈرافٹ تیار کر لیا گیا ہے۔ مریم نواز نے کہا کہ پارلیمنٹ کی جوائنٹ کمیٹی میں فائنل ڈرافٹ 21جولائی کو پیش کیا جائے گا۔