راولپنڈی(آئی این پی )وزیراعلیٰ پنجاب محمد شہباز شریف کی آرمی چیف جنرل راحیل سے ملاقات ،جس میں پنجاب کی صورتحال اور کالعدم تنظیموں کے خلاف آپریشن پر بات چیت کی ۔ نجی ٹی وی کے مطابق منگل کو وزیراعلیٰ پنجاب شہباز شریف نے آرمی چیف سے ملاقات کی، جو ڈیڑھ گھنٹہ تک جاری رہی ۔ملاقات میں پنجاب کی صورتحال اور کالعدم تنظیموں کے خلاف آپریشن پر بات چیت کی گئی ۔ آئی ڈی پیز کی واپسی کے معاملات اور تحفظ پاکستان قانون پر بھی گفتگو کی گئی ۔ آرمی چیف نے وزیراعظم نوازشریف کے صحت یاب ہونے پر وزیراعلیٰ پنجاب شہباز شریف کو مبارکباد بھی دی ۔