اسلام آباد (مانیٹرنگ ڈیسک) وزیر اعظم میاں نواز شریف کے بعد وفاقی وزیر برائے منصوبہ بندی ، ترقی و اصلاحات احسن اقبال بھی علیل ہو گئے ہیں۔ سرکاری ڈاکٹر نے چیک اپ کے بعد تین روز مکمل آرام کرنے کا مشورہ دے دیا۔ ذرائع کے مطابق وفاقی وزیر منصوبہ بندی ، ترقی و اصلاحات احسن اقبال بخار ، نزلہ و زکام میں مبتلا ہو گئے ہیں اور طبعیت ناسازی کے باعث عارضی طور پر سرکاری ذمہ داریاں سرانجام دینے سے قاصر ہو گئے ہیں۔گزشتہ روز ڈاکٹرز نے وفاقی وزیر احسن اقبال کی رہائش گاہ پر میڈیکل چیک اپ کے بعد تین روز مکمل آرام کا مشورہ دے دیا ہے جس کے باعث وفاقی وزیر احسن اقبال نے ڈاکٹرز کے مشورے پر آرام کرنے کا فیصلہ کیا ہے اور تمام سرکاری مصروفیات ملتوی کر دی ہیں۔ واضح رہے کہ وزیر اعظم نواز شریف کی بھی طبیعت خراب ہونے کے باعث اسلام آباد آنے کا فیصلہ ملتوی کیا جا چکا ہے اور اسی طرح وفاقی وزیر احسن اقبال بھی بخار میں مبتلا ہو گئے ہیں۔