اسلام آباد (مانیٹرنگ ڈیسک) چیئرمین تحریک انصاف عمران خان نے فرانس کے شہر نیس میں دہشت گرد حملے کی شدید مذمت کرتے ہوئے حملے میں قیمتی جانوں کے ضیاع پر گہرے دکھ اور افسوس کا اظہار کیا۔ جمعہ کو عمران خان نے اپنے تعزیتی پیغام میں فرانس کے شہر نیس میں حملے کی مذمت کی اور قیمتی انسانی جانوں کے ضیاع پر گہرے دکھ کا اظہار کیا۔ انہوں نے کہا کہ معصوم اور نہتے شہریوں کے قتل کی مذمت کرتے ہیں۔ دہشت گردی کی عالمی لہر انتہائی تشویشناک ہے۔ فرانسیسی عوام سے ہمدردی اور تعزیت کا اظہار کرتے ہیں۔