آرمی چیف جنرل راحیل شریف نے 12دہشت گردوں کی سزائے موت کی توثیق کردی۔آئی ایس پی آر کے مطابق مذکورہ دہشت گرد قتل، مسلح افواج پرحملوں، اسکولوں اور انفرااسٹرکچرکی تباہی میں ملوث ہیں۔آئی ایس پی آرکا کہنا ہے کہ ان دہشت گردوں میں قیوم ولدسعید، عزیزالرحمان، حسین ڈار، اسحاق، بہرام، ایاز، برکت، سعیداکبر، طیب ولدامیرزادہ، ا?صف، شہادت اوریاسین شامل ہیں،جنہیں فوجی عدالتوں نے سزائے موت سنائی تھی۔آئی ایس پی آر کے مطابق دہشت گردقیوم ولدسعیدکالعدم تحریک طالبان کاسرگرم رکن تھا،جو پاک فوج کیافسران اورجوانوں کے قتل میں ملوث تھا،دہشت گردقیوم پر4جرائم کے تحت مقدمہ چلاکرسزائے موت سنائی گئی۔آئی ایس پی آر کا یہ بھی کہنا تھا کہ دہشت گردعزیزالرحمان،حسین ڈار،اسحاق ،بہرام،ایاز،برکت، سعیداکبر،طیب ولدامیرزادہ بھی کالعدم تحریک طالبان پاکستان کے سرگرم رکن تھے،جبکہ دہشت گردآصف،شہادت اوریاسین کاتعلق کالعدم لشکرجھنگوی سے تھا،سعیداکبرپر2جرائم کے تحت مقدمہ چلاکرسزائے موت سنائی گئی۔