اسلام آباد (مانیٹرنگ ڈیسک)افغانستان میں اتحادی فوج کے کمانڈر نے آرمی چیف جنرل راحیل شریف کو فون کرکے آر می پبلک سکول پر حملے کے ماسٹر مائنڈ خالد خراسانی کی ہلاکت کی تصدیق کر دی ہے ۔پشاور حملے اور سینکڑوں بچوں کے قتل کا ماسٹر مائنڈ تحریک طالبان کا کمانڈر عمر نرے عرف خلیفہ خالد خراسانی افغانستان میں امریکی ڈرون حملے میں مارا گیا ۔ڈی جی آئی ایس پی آر نے عمر نرے کی ہلاکت کی تصدیق کر دی ہے ۔
آرمی پبلک اسکول حملے کا ماسٹر مائنڈ انتہائی مطلوب دہشت گردوں میں سے ایک تھا ۔آئی ایس پی آر نے اے پی ایس حملے کے ماسٹر مائنڈ عمر نرے کی ہلاکت کی تصدیق کرتے ہوئے کہا ہے کہ نرے خالد کا شمار اے پی ایس حملوں کے ماسٹرمائنڈ میں ہوتا ہے۔ڈی جی آئی ایس پی آر عاصم باجوہ نے بتایا کہ عمرنرے خالد خراسانی کے نام سے بھی جانا جاتا تھا۔