لاہور( این این آئی )وزیراعظم محمد نواز شریف نے وفاقی وزراء کو ٹی او آرز پر بیان بازی سے روکدیا۔حکومت نے پانامہ لیکس ٹی او آرزکا معاملہ افہام و تفہیم سے حل کرنے کا فیصلہ کر لیا ہے اور اسی تناظر میں وزیراعظم نوازشریف نے وزراء کو بیانات دینے سے روک دیا۔ نجی ٹی وی کا ذرائع کے حوالے سے کہنا ہے کہ وزیراعظم نے وزراء کو بیانات سے روکنے کی ہدایت اپوزیشن لیڈر خورشید شاہ کے اعتراضات کے بعد دی۔اپوزیشن لیڈر خورشید شاہ نے وفاقی وزیرخزانہ اسحاق ڈار کے ذریعے وزیراعظم کو پیغام بھجوایا تھا کہ وزراء کے بیانات سے تلخیاں بڑھ رہی ہیں۔ وزیراعظم نے وزیرخزانہ اسحاق ڈار کو تاکید کی کہ وزراء کو بیانات دینے سے روکا جائے۔