بٹگرام (مانیٹرنگ ڈیسک)بٹگرام تھاکوٹ پولیس چیک پوسٹ پردہشتگردوں نے حملہ کردیا۔ فائرنگ سے ایک اہلکار شہید اور ایک زخمی ہوگیا۔ پولیس کی جوابی فائرنگ سے ایک دہشتگرد ہلاک جبکہ ایک کو زخمی حالت میں گرفتار کرلیا گیا۔ڈی پی او بٹگرام راجہ صبور کے مطابق دہشتگردوں نے رات گئے تھاکوٹ پولیس چیک پوسٹ پر حملہ کردیا۔ جس کے نتیجے میں ایک اہلکار شہید اور ایک زخمی ہوگیا۔ پولیس کی جوابی فائرنگ سے ایک دہشتگرد موقع پر ہی ہلاک ہوگیا جبکہ ایک کو زخمی حالت میں گرفتار کرلیا گیا ہے۔ ہلاک دہشتگرد حافظ نثار کا تعلق کالعدم تحریک طالبان سے تھا اور اس کے سر کی قیمت پچیس لاکھ روپے رکھی گئی تھی۔ دہشتگردوں کے قبضے سے دو پستول ہینڈ گرنیڈ کلاشنکوف اور بڑی تعداد میں گولیاں برآمد کی گئی ہیں۔