کراچی ( این این آئی) ایدھی فاؤنڈیشن کے سربراہ عبد الستار ایدھی کی نماز جنازہ نیشنل اسٹیڈیم کراچی میں ادا کی جائے گی ۔ کراچی پولیس چیف مشتاق مہر کی طرف سے عوام سے اپیل کی گئی ہے کہ وہ 11بجے تک نیشنل اسٹیڈیم پہنچ جائیں اور انہیں جامع تلاشی کے بعد اندر داخل ہونے کی اجازت دی جائے گی ۔ پولیس چیف کا کہنا ہے کہ گیارہ بجے کے بعد آنے والوں کو اندر جانے کی اجازت نہیں ہو گی اور وہ اسٹیڈیم سے باہر جنازہ ادا کرسکیں گے ۔ حفاظتی انتظامات کے سلسلہ میں پولیس کی طرف سے رات گئے سکیورٹی انتظامات کی تیاریاں شروع کر دی گئیں۔