راولپنڈی(مانیٹرنگ ڈیسک) سعودی عرب میں دہشتگردی کے بعد آرمی چیف جنرل راحیل شریف نے سعودی وزیردفاع شہزادہ محمد بن سلمان کو فون کرکے مکمل حمایت کا یقین دلایا۔منگل کو پاک فوج کے شعبہ تعلقات عامہ (آئی ایس پی آر) کے مطابق آرمی چیف نے سعودی وزیر دفاع شہزادہ محمد بن سلمان سے ٹیلیفونک گفتگو میں سعودی عرب دھماکوں کی مذمت کی اور کہا کہ مصیبت کی گھڑی میں سعودی بھائیوں کے شانہ بشانہ کھڑے ہیں۔ آرمی چیف نے متاثرہ خاندانوں سے ہمدردی کا اظہار کرتے ہوئے کہا کہ دہشتگردی کی لعنت کیخلاف اس جنگ میں سعودی بھائیوں کے ساتھ ہیں۔