کراچی(این این آئی)پاکستان پیپلزپارٹی نے الیکشن کمیشن کے بعد اب نیب میں بھی وزیراعظم کے خلاف ریفرنس جمع کرانے کا فیصلہ کیاہے۔تفصیلات کے مطابق اپوزیشن جماعتوں نے وزیراعظم میاں نواز شریف کے خلاف گھیرا مزید تنگ کرنے کا فیصلہ کر لیا ہے۔ ذرائع کے مطابق پیپلزپارٹی الیکشن کمیشن کے بعد اب نیب میں بھی وزیراعظم کے خلاف ریفرنس جمع کرائے گی۔ریفرنس 62 صفحات پر مشتمل ہے جس میں وزیراعظم اور ان کے اہل خانہ کے خلاف کریشن کے مقدمات جلد چلانے کی استدعا کی گئی ہے۔ ریفرنس میں پاناما میں آف شور کمپنیوں اور وزیراعظم کی فیملی کے پوشیدہ کاروبار کو بنیاد بنایا گیا ہے۔