کراچی (مانیٹرنگ ڈیسک) امریکا نے شہر قائد میں امن و امان کی بگڑتی صورت حال اور دہشت گردی کے ممکنہ خطرے کے پیش نظر اپنے شہریوں کو نقل و حرکت محدود کرنے کی ہدایات جاری کر دیں ۔کراچی میں قائم امریکی قونصل خانے کی جانب سے جاری کردہ بیان کے مطابق کراچی میں رمضان المبارک اور عید الفطر کے موقع پر شاپنگ سینٹرز اور پر ہجوم مقامات پر دہشت گردی کا خدشہ ہے، اس لئے امریکی شہریوں کو ہدایت کی جاتی ہے کہ وہ ایسے مقامات پر جانے سے گریز کریں جہاں لوگوں کا ہجوم زیادہ ہو ٗ امریکی قونصل خانے کے ملازمین اضافی طور پر محتاط رہیں۔امریکی قونصل خانے کے مطابق 4 جون 2016 کو امریکی شہریوں کے لیے پاکستان کے سفر کے حوالے سے خصوصی ہدایات جاری کی گئی تھیں جو اب بھی نافذالعمل ہے ٗاس لئے امریکی شہری پاکستان کے غیر ضروری سفر سے گریز کریں۔