اسلام آباد (مانیٹرنگ ڈیسک)وزیر داخلہ چو ہدری نثا ر اور آرمی چیف جنرل راحیل شریف کراچی روانہ ہو گئے، چوہدری نثا ر کراچی میں اہم اجلا س کی صدار کرینگے جبکہ مشیر سلامتی امور ناصر خان جنجوعہ اور دیگر عسکری حکام بھی آرمی چیف کے ہمراہ ہیں۔وزیر داخلہ چوہدری نثا ر کراچی میںامن و امان کے حوالے سے اعلیٰ سطحی اجلاس کی صدارت کریں گے اورسندھ ہائیکورٹ کے چیف جسٹس سجاد علی شاہ کے بیٹے کے اغوا پر ان کے اور قاتلانہ حملے میں جاں بحق ہونے والے امجد فرید صابری کے گھر بھی جائیں گے ۔میڈیا کے مطابق آرمی چیف جنرل راحیل شریف بھی کراچی کیلئے روانہ ہوچکے ہیں جہاں وہ کور ہیڈ کوارٹرز کو دورہ کریں گے۔کو رہیڈ کوارٹرز میں اہم سکیورٹی اجلاس طلب کر لیا گیا۔اجلاس میں وزیر داخلہ چوہدری نثار،آرمی چیف جنرل راحیل شریف،گورنر سندھ عشرت العباد،وزیراعلیٰ قائم علی شاہ اور حساس اداروں کے سربراہان شرکت کریں گے۔