کراچی (نیوز ڈیسک) عالمی شہرت یافتہ قوال امجد صابری کراچی میں قتل ۔ تفصیلات کے ایم کیو ایم کے رہنما مصطفیٰ عزیز آبادی نے پاک سر زمین پارٹی پر الزام عائد کرتے ہوئے دعویٰ کیا ہے کہ امجد صابری کو پاک سرزمین پارٹی میں شامل نہ ہونے پر قتل کئے جانے کی دھمکیاں مل رہی تھیں۔ انہوں نے دعویٰ کیا کہ امجد صابری نے چند روز پہلے اس خدشے کا اظہار بھی کیا تھا۔ واضح رہے امجد صابری اپنے گھر سے رمضان ٹرانسمیشن کیلئے جا رہے تھے کہ لیاقت آباد میں اچانک موٹر سائیکل سوار حملہ آوروں نے ان کی گاڑی پر فائرنگ کر دی۔ ان کے سر اور سینے پر گولیاں لگیں اور وہ موقع پر جاں بحق ہو گئے۔