اسلام آباد (این این آئی) وفاقی وزیر داخلہ چودھری نثار علی خان نے امجد صابری کے قاتلانہ حملے میں ہلاکت پر اظہار افسوس کرتے ہوئے قاتلوں کی گرفتاری کیلئے سیکیورٹی اور انٹلیجنس اداروں کو مل کر کام کرنے کی ہدایت کی ہے۔ ڈی جی رینجرز نے بدھ کو وفاقی وزیر داخلہ چودھری نثار علی خان کو ٹیلیفون کیا اور انہیں امجد صابری کی ٹارگٹ کلنگ کے حوالے سے بریفنگ دی اور چیف جسٹس سندھ ہائیکورٹ کے بیٹے کی بازیابی کے حوالے سے جاری کوششوں میں اب تک کی پیشرفت سے آگاہ کیا، اس موقع پر وفاقی وزیر داخلہ نے کہا کہ چیف جسٹس کے بیٹے کی بازیابی کیلئے کوئی کسر روا نہ رکھی جائے۔انہوں نے امجد صابری کے قاتلوں کی گرفتاری کیلئے سیکیورٹی اور انٹلیجنس اداروں کومل کر کام کرنے کی ہدایت کی ۔