اسلام آباد(مانیٹرنگ ڈیسک) نجی ٹی وی پروگرام میں گفتگو کرتے ہوئے سینئر تجزیہ نگار نجم سیٹھی نے دلچسپ انکشافات کر دیئے۔ سینئر تجزیہ نگار نے کہا کہ جب پولیس پر بہت زیادہ پریشر بڑھ گیا تو پولیس عمران خان کو گرفتار کرنے کیلئے بنی گالہ گئی ‘ پولیس بنی گالہ گیٹ پر پہنچی تو وہاں گیٹ پر انہوں نے چوکیدار سے ڈر ڈر کر پوچھا کہ عمران خان صاحب ہیں گھر پر؟ تو چوکیدار نے جواب دیا کہ وہ تو گھر سے باہر گئے ہیں۔ جس پر وفاقی پولیس نے تھانے واپس آکر عدالت کو بیان جمع کروایا کہ ہم عمران خان کو گرفتار کرنے گئے تھے لیکن ہمیں نہیں پتہ کہ وہ کہاں ہیں، عمران خان گھر پر موجود نہیں تھے۔ نجم سیٹھی نے کہا کہ اگر عمران خان ایس ایس پی کے ساتھ بیٹھے چائے بھی پی رہے ہوں تو بھی پولیس نے یہی کہنا ہے کہ عمران خان کہاں ہے ، ہمیں معلوم نہیں۔