اسلام آباد(مانیٹرنگ ڈیسک) نجی ٹی وی پروگرام میں سینئر تجزیہ نگار نے حیرت انگیز انکشافات کر دیئے۔ سینئر تجزیہ نگار نے کہا پنجاب میں حمزہ شہباز کو زبردست بیک اپ حاصل ہے، حمزہ شہباز پنجاب میں مریم نواز کی ہر سکیم کو لانچ ہونے سے پہلے سبوتاژ کرنے کی کوشش کرتے ہیں۔ سینئر تجزیہ نگار سمیع ابراہیم نے نجی ٹی وی پروگرام میں گفتگو کرتے ہوئے کہا کہشہباز شریف کے جو قریبی ذرائع ہیں وہ کہتے ہیں کہ کیپٹن صفدر ایک ریاٹائرڈ فوجی ہیں اور وہ پارٹی میں ’’گھس بیٹھیے‘‘ ہیں اور کیپٹن صفدر ہمیں سیاسی طور پر دغا دیں گے اسلئے کیپٹن صفدر کو ہٹایا جائے۔ سمیع ابراہیم نے کہا کہ نواز شریف مریم نواز کی وجہ سے خاموش ہیں اسلئے وہ ایسا کچھ نہیں چاہتے اور کشمکش میں مبتلا ہیں کہ کیا کیاجائے؟
سینئر صحافی صابر شاکر نے کہا کہ جب کیپٹن صفدر خاص حد سے آگے بڑھنے لگتے ہیں تو ان کیخلاف شکایات کے انبار لگ جاتے ہیں۔ صابر شاکر نے کہا کہ شریف خاندان میں اختلاف کی خبریں درست ہیں ‘ حمزہ شہباز اور مریم نواز رسہ کشی میں مصروف ہیں۔