نیویارک (مانیٹرنگ ڈیسک) سلامتی کونسل میں افغان صورتحال پر پاکستانی مندوب ڈاکٹرملیحہ لودھی نے خطاب کرتے ہوئے کہا ہے کہ پاکستان کیخلاف افغان سفیر کی جانب سے لگائے گئے الزامات بے بنیادہیں ٗافغانستان کے مسائل کو حل کرنا افغان حکومت کی ذمے داری ہے۔افغانستان اپنے مسائل خود حل کرے، دوسروں کو ملوث کرنا بند کرے۔سلامتی کونسل میں افغان صورتحال پرخطاب کرتے ہوئے ملیحہ لودھی نے کہاکہ افغانستان میں پناہ لینے والے دہشت گردوں کو افغان حکومت پاکستان کے حوالے کرے۔ انہوں نے کہاکہ پاکستان سے فرارہوکرافغانستان میں پناہ لینے والوں کے ٹھکانوں کوختم کرناہوگا۔انہوں نے کہا کہ 30 لاکھ افغان مہاجرین آج بھی پاکستان میں ہیں ٗانہوں نے کہا کہ پاکستان کی حدود میں ڈرون حملہ ملک کی خودمختاری پرحملہ ہے۔
ڈرون حملے نے بھی مذاکرات کی صورتحال کو خراب کیا ٗڈرون حملے نے بہت سے اہم سوالات کو جنم دیا ہے۔ملیحہ لودھی نے کہا کہ مذاکرات کے ذریعے مسائل حل کرنے کی پاکستانی کوششوں کو سبوتاژ کیاگیا ٗافغانستان میں امن مذاکرات کی کوششوں کوسال میں دوبارسبوتاژکیاگیا۔انہوں نے سوال کیا کہ عالمی برادری افغانستان کے مسئلہ کا مذاکرات سے حل چاہتی ہے یافوجی کارروائی سے ٗسرحدپرموثراورمنظم کنٹرول سے ہی دہشتگردوں کی آمدورفت روکی جاسکتی ہے ۔انہوں نے کہا کہ پاکستان کی جانب سے بارڈر کو ریگولیٹ کرنے کوغیرقانونی کہناکسی صورت مناسب نہیں۔پاکستان کسی کی بھی جانب سے خودمختاری اورسالمیت کی خلاف ورزی برداشت نہیں کریگا۔ملیحہ لودھی نے افغانستان میں ہلاکتوں اور دہشت گردی کے واقعات کی مذمت کی