اسلام آباد(مانیٹرنگ ڈیسک) سینئر تجزیہ نگار نے نجی ٹی وی پروگرام میں حیرت انگیز دعوے کر دیئے۔ سینئر صحافی و تجزیہ نگار نے کہا کہ حکومتی اراکین کوشش کر رہے ہیں کسی بھی طرح سے یہ سارا ملبہ فوج پر ڈالا جائے ۔ سینئر صحافی و تجزیہ نگار صابر شاکر نے کہاکہ حکومت کی کوشش ہے کہ وہ یہی باور کروائے کہ پانامہ لیکس کے پیچھے بھی فوج ہے، عمران خان، طاہر القادری، دھرنوں اور احتجاجوں کے پیچھے بھی فوج ہے‘حکومتی اراکین اپوزیشن اتحاد کے پیچھے بھی فوج کا الزام لگانا چاہتے ہیں۔
صابر شاکر نے کہا کہ پاکستان مسلم لیگ(ن) آخری کوشش کر رہی ہے کہ پاکستان پیپلز پارٹی کا اپوزیشن اتحاد ٹوٹ جائے۔ (ن) لیگ چاہتی ہے کہ کسی طرح پی پی کو اپنے حق میں منا لیا جائے اور اس مقصد کیلئے وہ محمود اچکزئی، برطانیہ، امریکہ و بھارت کو استعمال کر رہی ہے کہ پیپلز پارٹی رام ہو جائے اور پی پی کو اپوزیشن بنچوں سے اٹھایا جائے ۔ حکومت کہتی ہے کہ ایک بار پی پی قابو میں آ جائے تو اس کے بعد ہم عمران خان سے بھی نمٹ لیں گے اور طاہر القادری سے بھی نمٹ لیں گے۔