اسلام آباد (مانیٹرنگ ڈیسک)صدرمملکت ممنون حسین نے وزیراعظم محمد نوازشریف کوٹیلی فون کرکے خیریت دریافت کی اور انہیں ڈاکٹروں کی ہدایت کے مطابق سفرکرنے کامشورہ دے دیا۔ میڈیا رپورٹ کے مطابق صدرممنون حسین نے وزیراعظم سے ٹیلی فون پرگفتگوکرتے ہوئے ان کی خیریت دریافت کی اور کہا کہ وہ ان کی صحت یابی کے لئے دعاگوہیں۔ صدرمملکت نے کہاکہ پاکستانی قوم بھی آپ کی جلداورمکمل صحت یابی کے لئے دعاگوہے۔ اس کے علاوہ دوران گفتگو انہوں نے وزیراعظم کو مشورہ دیاکہ وہ ڈاکٹروں کی ہدایت کے مطابق سفرکرنے کافیصلہ کریں۔