مظفر آباد (مانیٹرنگ ڈیسک)چیف الیکشن کمشنر نے وفاقی وزرا کو مظفرآباد الیکشن کے دوران پروٹوکول دینے سے روک دیا، وفاقی وزرا سرکاری گاڑی پر آزاد کشمیر داخل نہیں ہوسکتے۔تفصیلات کے مطابق آزاد کشمیر الیکشن پر الیکشن کمیشن نے نیا ضابطہ اخلاق جاری کر دیا۔ جس کے مطابق وفاقی وزرا ہیلی کاپٹر کے ذریعے جلسوں میں شرکت نہیں کر سکتے اور نہ ہی سرکاری گاڑیوں پر آزاد کشمیر آ سکتے ہیں۔ الیکشن کمیشن نے واضح کر دیا کہ جو وفاقی وزرا نے ضابطہ اخلاق کی خلاف ورزی کی تو ان کے خلاف کاروائی عمل میں لائی جائے گی کیونکہ وفاقی وزرا کا الیکشن کی کمپین کے لیے سرکاری گاڑیوں کا استعمال ضابطہ اخلاق کی خلاف ورزی ہے۔