کراچی(نیوزڈیسک)عبدالستار ایدھی کے انتقال کی افواہیں،ہسپتال کیوں منتقل کیاگیا؟ حقیقت سامنے آگئی،تفصیلات کے مطابق معروف سماجی شخصیت عبدالستار ایدھی کافی عرصے سے بیمار ہیں ان کے بارے میں آج کچھ شرپسندوں نے یہ افواہیں پھیلادیں کہ ان کا انتقال ہوگیا ہے جبکہ اس کے برعکس عبدالستار ایدھی کو ہسپتال علاج و معالجہ کے لئے لے جایاگیا تھا جبکہ ان کی حالت تسلی بخش ہے ،ایدھی فاؤنڈیشن کے ذرائع کے مطابق عبدالستار ایدھی کو معمول کے علاج کے لئے ہسپتال لے جایاگیا ان کی حالت نازک ہونے اورخدانخواستہ ان کے انتقال کے بار ے میں پھیلائی جانے والی افواہیں سراسر بے بنیاد اورجھوٹ پر مبنی ہیں۔