لندن/اسلام آباد (آئی این پی) وزیر اعظم محمد نواز شریف نے معاون خصوصی برائے امور خارجہ طارق فاطمی اور پرنسپل سیکرٹری فواد حسن فواد کو لندن طلب کر لیا ، وزیر اعظم (آج) سے باقاعدہ حکومتی امور شروع کریں گے ۔ نجی ٹی وی کے مطابق جمعرات کو وزیر اعظم نے طارق فاطمی اور پرنسپل سیکرٹری فواد حسن فواد کو لندن طلب کر لیا اور (آج) سے حکومتی امور پر باقاعدہ فائل ورک شروع کریں گے ۔ وزیر اعظم حکومتی معاملات کی ملٹری سیکرٹری اور دیگر حکام کے ذریعے نگرانی کر رہے ہیں ۔ طارق فاطمی وزیر اعظم کو خارجہ امور اور پاکستان افغان سرحدی معاملے پر بریفنگ دیں گے اور وزیر اعظم ڈاکٹرز کی ہدایت کے بعد سعودی عرب کی بجائے سیدھا لندن سے پاکستان آئیں گے ۔