اسلام آباد(مانیٹرنگ ڈیسک) پاکستانی فوج کی جانب سے افغان سرزمین سے پاکستان میں داخل ہونے والے دہشتگردوں کو روکنے کیلئے طورخم بارڈ پر گیٹ تعمیر کیا جا رہا تھا جس پر ہمسایہ ملک افغانستان سخت نا خوش نظر آیا۔ افغان فورسز زیر تعمیر گیٹ پر بلا اشتعال فائرنگ کر رہی ہے‘دہشتگردوں کی نقل و حمل چیک کرنے والا یہ گیٹ پاکستانی حدود میں 37 میٹر اندر واقع ہے، آئی ایس پی آر نے طورخم بارڈر گیٹ کا نقشہ جاری کردیاہے‘فوجی حکام کے مطابق افغان فورسز نے طورخم سرحد پر زیر تعمیر پاکستانی دروازے پر فائرنگ کی جبکہ یہ گیٹ پاکستان کی حدود میں 37 میٹر اندر ہے جس میں تمام تفصیلات واضح طور پر دکھائی گئی ہیں۔ آئی ایس پی آرکے مطابق دہشت گردوں کی نقل و حرکت روکنے کیلئے گیٹ انتہائی ضروری ہے۔واضھ رہے کہ گزشتہ رات افغان فورسز نے پاکستانی علاقے میں بلا اشتعال فائرنگ کی جس سے فوجی اہلکار سمیت متعدد افراد زخمی ہوئے، پاک فوج نے بھی بھرپور جوابی کارروائی کی، واقعے کے بعد سے دونوں جانب کشیدگی پائی جاتی ہے جبکہ پاکستانی علاقے میں کرفیو بھی نافذ کردیا گیا ہے۔