اسلام آباد (این این آئی)ترجما ن پاک فوج نے واضح کیا ہے کہ طور خم میں زیر تعمیر گیٹ دہشتگردوں کی نقل وحرکت پر نظر رکھنے کیلئے ضروری ہے یہ گیٹ پاکستانی حدود کے 37میٹر اندر قائم کیا جارہاہے۔ڈی جی آئی ایس پی آر لیفٹیننٹ جنرل عاصم سلیم باجوہ کے مطابق افغان فورسز کی جانب سے طورخم میں پاکستان کی جانب سے تعمیر کئے جانے والے جس گیٹ کو فائرنگ کا نشانہ بنایاگیا وہ سرحد سے 37میٹر پاکستانی حدود کے اندر ہے اس گیٹ سے تمام سر حد عبور کر نے والے افراد کی دستاویزات کی چھان بین اور تصدیق کی جائیگی اور اس مقصد کیلئے یہ گیٹ نہایت اہمیت کا حامل سمجھا جارہا ہے ۔ ڈی جی آئی ایس پی آر کے مطابق اس گیٹ کی تعمیر سے دہشتگردوں کی نقل وحرکت پر نظررکھی جاسکے گی ۔پاک فوج کے ترجمان نے زیر تعمیر گیٹ کا لے آؤٹ بھی جاری کیا ہے جس میں دکھایاگیا ہے کہ یہ گیٹ پاکستانی حدود میں تعمیر کیا جارہا ہے ۔