اسلام آباد(مانیٹرنگ ڈیسک) اپوزیشن کا حکومت پر دباؤ‘ حکومت مشکل میں،وفاقی وزیر اطلاعات پرویز رشیدنے اپوزیشن لیڈر خورشید شاہ کے گھٹنے پکڑ لئے، نجی ٹی رپورٹ کے مطابق TOR’s کمیٹی کے ڈیڈ لاک پر مشاورت کیلئے پرویز رشید اور خورشید شاہ کی ملاقات ہوئی تو پرویز رشید نے خورشید شاہ کے گھٹنے پکڑ لئے ، وفاقی وزیر اطلاعات اپوزیشن لیڈر کو رام کرنے کیلئے انتہائی مودب نظر آئے۔ رپورٹ کے مطابق وفاقی وزیر اپوزیشن کو منانے کیلئے خوب جتن کرتے ہوئے نظر آئے، پرویز رشید نے خورشید شاہ سے پارلیمانی کمیٹی ‘ الیکشن کمیشن کے غیر جانبدار ارکان سمیت دیگر مسائل پر گفتگو کی، دونوں رہنماؤں نے ملاقات کے اختتام پر ساتھ ملکر کام کرنے کا اعادہ بھی کیا۔