نئی دہلی (آن لائن) پاکستان کے ساتھ دشمنی میں بھارت سفارتی آداب بھول گیا ۔ ناگپور میں اقوام متحدہ کے تحت ہونے والی تقریب میں شرکت کے لئے پاکستانی ہائی کمشنر عبدالباسط کو روک دیا گیا ۔پاکستانی ہائی کمشنر کو ہندوانتہا پسند تنظیم آر ایس ایس کی ھمکیوں کے باعث روکا گیا ۔میڈیا رپورٹ کے مطابق بدھ کے روز بھارت میں تعینات پاکستانی ہائی کمشنر عبدالباسط کو ناگپور میں منعقد اقوام متحدہ کے تحت ایک تقریب میں شرکت سے روک دیا گیا ۔پاکستانی ہائی کمشنر کو ہندوانتہا پسند تنظیم آر ایس ایس کی دھمکیوں کے باعث روکا گیا رپورٹ میں بتایا گیا کہ جب اس معاملے پر پاکستانی حکام سے پوچھا گیا تو انہوں نے کہا کہ ہمیں تقریب میں شرکت کے لئے پہلے دعوت نامہ دیا اور بعد میں واپس لے لیا گیا ۔واضح رہے کہ پاکستانی ہائی کمشنر کو بھارت میں کسی تقریب سے روکے جانے کا یہ چھوتا واقعہ ہے جبکہ ہندو انتہا پسند تنظیم نے ہائی کمشنر کو بھارت چھوڑنے کے لئے خط بھی لکھا ہے ۔