کراچی (آئی این پی )کراچی میں ایم کیو ایم کی ہڑتال کی کال کے باوجود شہر کے حالات معمول پر رہے ،سڑکوں پر ٹریفک رواں دواں رہی ، شہر کے حالات ہڑتال کی اپیل کے باوجود پرامن رہے ، رینجرز کی جانب سے شہریوں کو تحفظ دینے کی یقین دہانی کرائی گئی ۔ کراچی میں ایم کیو ایم کے مرکزی رہنما فاروق ستار کے گھر پر چھاپے کے خلاف یوم احتجاج اور ہڑتال کی اپیل پرحالات پرامن رہے۔ زندگی معمول پر رہی ، سڑکوں پر ٹریفک رواں دواں رہی ۔پیٹرول پمس اور صبح کھلنے والی دکانیں کھلی رہیں ۔ کراچی میں ایم کیو ایم کے مرکزی رہنما فاروق ستار کے گھر پر چھاپے کے خلاف یوم احتجاج اور ہڑتال کی اپیل پر حالات پرامن رہے۔ زندگی معمول پر رہی ، سڑکوں پر ٹریفک رواں دواں رہی ۔ایم کیو ایم کی رابطہ کمیٹی نے گزشتہ شب ڈاکٹر فاروق ستار کے گھر پر چھاپے کے خلاف کراچی سمیت سندھ بھر میں یوم احتجاج کا اعلان کیا اور عوام اور کاروباری افراد سے کاروبار اور ٹرانسپورٹ بند رکھنے کی اپیل کی ۔ دوسری جانب رینجرز نے کہا ہے کہ کراچی میں کسی قسم کی ہڑتال نہیں ہوگی۔ شہری مکمل آزادی کے ساتھ کاروبار کھولیں اور معاملات زندگی بحال رکھیں ، رینجرز شہریوں کو ہر قسم کا تحفظ دیگی۔ دکانیں بند کرانے والوں سے سختی سے نمٹا جائیگا۔ ٹرانسپورٹ سڑکوں پر لائی جائے اور پیٹرول پمپ بھی معمول کے مطابق کھولے جائیں۔ شہری بلاجواز ہڑتال کی کسی کال پر کان نہ دھریں۔