اسلام آباد(مانیٹرنگ ڈیسک) سینئر تجزیہ نگار نے حیران کن دعویٰ کر دیا‘ نجی ٹی وی کے پروگرام میں گفتگو کرتے ہوئے سینئر تجزیہ نگار مجیب الرحمن شامی نے کہا کہ عمران خان نے کہا ملک میں صدارتی نظام ہونا چاہئے، صدارتی نظام بھی جمہوری نظام ہے اس لئے اس کی حمایت کا انہیں حق حاصل ہے، مجیب الرحمن شامی نے کہا کہ اگر آپ نواز شریف کے دل سے پوچھیں تو وہ بھی صدارتی نظام کی حمایت کرتے ہیں‘ اسی طرح ذوالفقار علی بھٹو بھی صدارتی نظام کی حمایت کرتے تھے‘ ذوالفقار علی بھٹو نے عبوری دستور بنایا تھا اس میں ان کی پوری کوشش تھی کہ نظام صدارتی ہو، 1971 ء کے انتخابات میں ذالفقار بھٹو دو تہائی اکثریت چاہتے تھے تا کہ آئین میں ترمیم کرکے اسے صدارتی نظام بنایا جا سکے‘ سینئر تجزیہ نگار نے کہا کہ تمام طاقتور رہنما صدارتی نظام چاہتے ہیں۔