راولپنڈی (آئی این پی) چیف آف آرمی سٹاف جنرل راحیل شریف سے پاکستان و افغانستان کیلئے امریکہ کے خصوصی نمائندے رچرڈ اولسن نے ملاقات کی جس میں خطے کی سیکیورٹی کی صورتحال خصوصاً افغانستان کے بارے میں تبادلہ خیال کیا گیا۔ جمعرات کو پاک فوج کے شعبہ تعلقات عامہ(آئی ایس پی آر) کے مطابق پاکستان اور افغانستان کیلئے امریکہ کے خصوصی نمائندے رچرڈ اولسن نے آرمی چیف جنرل راحیل شریف سے یہاں جنرل ہیڈکوارٹرز میں ملاقات کی جس میں خطے میں سیکیورٹی کی صورتحال خصوصاً افغانستان کے حوالے سے تبادلہ خیال کیا گیا۔ امریکی نمائندہ خصوصی برائے پاکستان و افغانستان رچرڈ اولسن نے دہشت گردی کے خلاف جنگ میں پاکستان کی کوششوں کو سراہا۔