کراچی (این این آئی) پاکستان پیپلزپارٹی پارلیمنٹرین کے چیئرمین آصف علی زرداری نے کہا ہے کہ ایف 16کی خریداری پر پاک امریکا تناؤ باہمی تعلقات کی کشیدگی کاعکاس ہے۔گزشتہ15سالوں میں پاک امریکا باہمی تعلقات مشکل حالات سے دوچار رہے ہیں۔ سابق صدر آصف علی زرداری نے کہا کہ پاکستان خطے میں اہم جمہوری ملک ہے۔پاکستان نے مستقبل میں ایک بڑی طاقت کے طور پر ابھرنا ہے۔دہشت گردی کیخلاف جنگ میں پاکستان کی قربانیوں کا اعتراف کیا جانا چاہیے ۔انہوں نے کہا کہ امریکا پاکستان کی سیکیورٹی ضروریات کو سمجھنے کی کوشش کرے۔دونوں ممالک کے حکام کو تعلقات کی بہتری کے لئے قدم بڑھانے چاہئیں۔پاکستان کی قیادت ملکی سلامتی اور شہریوں کے تحفظ کے لئے متحد ہے۔