اسلام آباد (نیوز ڈیسک) وزیراعظم نواز شریف نے پی کے 8سے کامیاب مسلم لیگ (ن) کے امیدوارارباب وسیم کو مبارکباد پیش کرتے ہوئے کہا ہے کہ پشاور سے لیگی امیدوارکی کامیابی عوام دوست پالیسیوں پر کھلے اعتماد کا اظہار ہے،پشاور کے باشعور عوام نے نیا خیبر پختونخوا بنانے کا کھوکھلا نعرہ لگانے والوں کی منفی سیاست کو مسترد کردیاہے ۔جمعہ کو وزیراعظم نوازشریف نے پی کے 8پشاورمیں ضمنی الیکشن میں کامیاب ہونے والے مسلم لیگ (ن) کے امیدوار ارباب وسیم حیات کو مبارکباد پیش کی اور کہا کہ امید ہے ارباب وسیم عوام کی ترقی وخوشحالی کے لئے کام کریں گے۔ انہوں نے کہا کہ پشاور کے باشعور عوام نے نیا خیبر پختونخوا بنانے کا کھوکھلا نعرہ لگانے والوں کی منفی سیاست کو مسترد کردیاہے ،(ن) لیگی امیدوارکی کامیابی عوام دوست پالیسیوں پرکھلے اعتماد کا اظہارہے جب کہ عوام نے ترقی کے ایجنڈے کے حق میں ووٹ دیا ہے۔ وزیر اعظم نواز شریف نے کہا کہ خیبرپختونخواکوترقی یافتہ اورپرامن صوبہ بنا کردم لیں گے۔(