اسلام آباد (نیوز ڈیسک )اپوزیشن نے وزیراعظم سے پانامالیکس پر پارلیمنٹ کو اعتمادمیں لینےکامطالبہ کیا وزیر اعظم نواز شریف قومی اسمبلی میں نہیں آئے ، اپوزیشن نے آج پھر واک آؤٹ کر دیا ، خورشید شاہ کہتے ہیں وزیر اعظم ایوان میں آکر بات کریں اپوزیشن ادب سے سنے گی ۔ پرویز رشید کا کہنا ہے ، اپوزیشن نے پہلے کمیشن بنانے کا کہا، اب ایوان میں بلانے کی ضد کر رہی ہے وزیر اعظم جمعے کو ایوان میں آئیں گے ۔ وزیر اعظم قومی اسمبلی میں آئیں اپوزیشن کا اصرار ، وزیراطلاعات سے تکرار ، ایک بار پھر ایوان کا واک آؤٹ کردیا ۔ قومی اسمبلی کے اجلاس میں اپوزیشن آئی بھی اور چلی بھی گئی ۔ اپوزیشن لیڈر خورشید شاہ کہتے ہیں وزیر اعظم ایوان میں آکر اپنے اثاثوں اور ٹیکس کی تفصیلات بیان کریں ادب سے سنیں گے ۔ اپوزیشن متفق ہے کہ وزیر اعظم ایوان میں آئیں گے تو ہم بھی دوڑتے ہوئے پہنچیں گے ۔ اس وقت تک واک آؤٹ جاری رہے گا ۔ وزیر اطلاعات پرویز رشید کا کہنا ہے وزیر اعظم نے اپوزیشن کے اصرار پر کمیشن بنانے کا عمل شروع کیا اب یہ ضد کر رہی ہے ۔ وزیر اعظم ایوان میں آنے سے نہیں گھبراتے ، ابھی مصروف ہیں جمعے کو آئیں گے ۔ اس سے پہلے اپوزیشن جماعتوں کا اجلاس ہوا جس میں طے پایا کہ پاناما لیکس پر وزیر اعظم کے پارلیمنٹ میں نہ آنے تک احتجاج جاری رہے گا ۔ توقع ہےوزیراعظم فرارکاراستہ اختیارنہیں کریں گے۔ خورشیدشاہ کا مزیدکہناتھاکہ ہم جمہوریت کی مضبوطی کی کوشش کررہےہیں۔وزیراعظم اسی ایوان سےتعلق رکھتےہیں،انھوں یہاں آکراپنانکتہ نظرواضح کرناچاہیے۔اپوزیشن لیڈر کا کہنا تھاکہ وزیراعظم پارلیمنٹ میں نہ آئےتومسائل بڑھیں گے۔ قومی اسمبلی میں جب وزیراعظم آئیں گےتوہم واپس آجائیں گے۔ان کا کہنا تھا کہ اپوزیشن نےبلاوجہ کسی مسئلےکونہیں اُٹھایا بلکہ صرف مسائل کاحل چاہتے ہیں۔