کراچی (نیوزڈیسک) وزیر اعلی سندھ سید قائم علی شاہ نے سماجی رہنما خرم ذکی کے قتل کی مذمت کرتے ہوئے انسپکٹر جنرل (آئی جی) سندھ اللہ ڈینو (اے ڈی) خواجہ سے تفصیلی رپورٹ طلب کرلی ہے، جبکہ سیکورٹی خدشات کے تحت وزیر اعلیٰ ہاﺅس جانے والے راستے کنٹیرز لگا کر بند کر دیئے گئے ہیں ۔خرم ذکی کو گزشتہ رات نارتھ کراچی سیکٹر 11B میں ہوٹل کے باہر فائرنگ کر کے ہلاک کر دیا گیا تھا، جبکہ فائرنگ سے 2 افراد زخمی ہوئے تھے، بعد ازاں خرم ذکی کا عباسی شہید ہسپتال میں پوسٹ مارٹم کیا گیا، جہاں سے ان کی میت انچولی منتقل کی گئی۔وزیراعلی سندھ نے آئی جی سے رپورٹ طلب کرنے کے ساتھ ساتھ قاتلوں کو فوری طور پر گرفتار کرنے کا حکم بھی جاری کیا۔سندھ کے وزیر داخلہ سہیل انور سیال نے بھی خرم ذکی کے قتل کا نوٹس لیا اور ایڈیشنل انسپکٹر جنرل (آئی جی) اور کراچی پولیس کے سربراہ مشتاق مہر سے 48 گھنٹے میں رپورٹ طلب کر لی۔دوسری جانب رات 12 بجے قتل ہونے والے خرم ذکی کی ہلاکت کا مقدمہ فوری طور پر درج نہ ہو سکا۔خیال رہے کہ خرم ذکی کا شمار سول سوسائٹی کے سرگرم رہنماو¿ں میں ہوتا تھا اور وہ ماضی میں صحافت کے پیشے سے بھی منسلک رہ چکے ہیں اس کے علاوہ وہ لیٹ اَس بلڈ پاکستان (Let US Build Pakistan) کے سوشل میڈیا پیج کو چلا رہے تھے۔خرم ذکی کے ٹوئٹر اکاو¿نٹ کے مطابق وہ ایک نجی ٹی وی چینل میں انفوٹینمنٹ اور مذہبی پروگرامات سے منسلک تھے۔یہ بھی یاد رہے کہ خرم ذکی کی ویب سائٹ لوب پاک ڈاٹ کام پاکستان میں بلاک ہے۔واضح رہے کہ خرم ذکی سول سوسائٹی کے رہنما جبران ناصر کے ساتھ لال مسجد کے خطیب مولانا عبدالعزیز کے خلاف مظاہروں میں بھی شریک رہے تھے۔سماجی رہنما خرم ذکی کی نماز جنازہ وزیراعلی ہاوس کے باہر ادا کی جائے گی۔انتظامیہ نے سیکیورٹی اقدامات کے پیش نظر وزیراعلی سندھ کی جانب جانے والے راستے بند کر دیئے۔ٹریفک پولیس کی جانب سے شہریوں کے لیے متبادل راستہ فراہم کردیا گیا۔مقتول کی نماز جنازہ دوپہر تین بجے وزیراعلی ہاوس کے باہر ادا کی جائے گی۔