اسلام آباد (نیوزڈیسک)وفاقی وزیر داخلہ چوہدری نثار نے کہا ہے کہ خواتین سے بدسلوکی صرف تحریک انصاف کے جلسوں میں ہی کیوں ہوتی ہے؟ بدسلوکی کرنے والوں کی نادرا کے ذریعے شناخت کرکے کارروائی کریں گے۔ بدھ کے روز صحافیوں سے گفتگو کرتے ہوئے چوہدری نثار علی خان نے کہا کہ تحریک انصاف کے جلسوں میں بدسلوکی کے واقعات ہوئے انہوں نے شور مچایا کہ (ن) لیگ کے لوگ گھس آئے تھے۔ میں ان سے پوچھتا ہوں کہ پاکستان میں مسلم لیگ (ن) پاکستان پیپلزپارٹی‘ جے یو آئی اور دیگر بڑی جماعتوں کے بھی جلسے ہوتے ہیں لیکن خواتین سے بدسلوکی کے واقعات صرف تحریک انصاف کے جلسوں میں ہی کیوں ہوتے ہیں؟ کسی اور پرٹی کے جلسے میں ایسے واقعات کیوں نہیں ہوتے؟ انہوں نے کہا کہ میڈیا اور دیگر ذرائع سے بدسلوکی کرنے والوں کی تصاویر لیں گے اور پھر اپوزیشن اور میڈیا کے نمائندوں پر مشتمل کمیٹی بھی بنائیں گے۔ ملوث افراد کی شناخت نادرا کے ذریعے کی جائے گی اور خواتین کے بیانات بھی لیں گے پر ان کے خلاف کارروائی ہوگی۔ (عابد شاہ)