راولپنڈی(نیوز ڈیسک)آرمی چیف جنرل راحیل شریف نے آرمی سروسز کورسینٹر نوشہرہ کا دورہ کیا اور میجر جنرل محمد توقیر احمد کو آرمی سروسز کور کے کرنل کمانڈنٹ کے بیجز لگائے ۔جمعہ کو پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل راحیل شریف نے آرمی سروسز کورسینٹر نوشہرہ کا دورہ کیا ۔آرمی سروسز کورنوشہرہ میں تقریب کا انعقاد کیا گیا تھا جس میں آرمی چیف نے میجر جنرل محمد توقیر احمد کو آرمی سروسز کور کا کرنل کمانڈنٹ مقرر کیا اوربیجز لگائے ۔آرمی چیف کور کے سابق فوجی افسران اور جوانوں سے بھی ملاقات کی ۔