اسلام آباد (نیوز ڈیسک )انتظار کی گھڑیاں ختم ،چیف جسٹس آف پاکستان جسٹس انور ظہیر جمالی ترکی کے سات روزہ دورہ مکمل کرنے کے بعد ہفتہ کو پاکستان پہنچیں گے جبکہ پانامہ لیکس کی تحقیقات بارے حکومتی خط پر جوڈیشل کمیشن بنانے یا نا بنانے کا فیصلہ پیر کو متوقع ہے ، ذرائع نے بتایا کہ چیف جسٹس انور ظہیر جمالی آج ہفتہ کو ترکی کے دارالحکومت ا ستنبول سے کراچی پہنچیں گے جہاں ایک دن آرام کرنے کے بعد اسلام آباد آئیں گے ، ذرائع نے بتایا کہ چیف جسٹس آف پاکستان پانامہ لیکس پر حکومتی خط کا جائزہ لیں گے اور امکان ہے کہ پیر کے روز ہی جوڈیشل کمیشن بنانے یا نہ بنانے کا حتمی فیصلہ کریں گے۔